கற்றதும் பெற்றதும் - இந்த வார உலகம்

கற்றது: சில சமயங்களில் சும்மா இருப்பதே மேல் (வாய வுட்டு மட்டிக்காதே)

பார்த்தது: "The Island" என்னும் புதிய திரைப்படம். 21ஆம் நூற்றாண்டின் முடிவில் மொத்த உலகமும் அழிந்துவிட, எஞ்சியவர்கள் ஓரிடத்தில் காக்கப்படுகிறார்கள். அவர்களுள் இருக்கும் நாயகனும் நாயகியும் எதோச்சயாக சில விஷயங்களை கிளர, அதன் பின் நடக்கும் திடுக்கிடும் சம்பவங்களே கதை. கிராபிக்ஸ் மிகவும் பிரமாதம். ஒரு முறை காணலாம்.

வெறுத்தது: இன்று காலை நடந்த பார்முலா 1 பந்தயம். Ferrari ரசிகனான எனக்கு, இன்றைய முடிவுகள் மிகுந்த ஏமாற்றம் அளித்தது (இரண்டாம் இடம் பெறுவார் சூமாக்கர் என நினைத்தால், ஐந்தாவது இடமே மிஞ்சியது).

ரசித்தது: ரகுமான் இசையமைத்த "அ-ஆ" படப்பாடல்கள். முக்கியமாக "அன்பே ஆருயிரே", "மயிலிரகே" மற்றும் "மரங்கொத்தியே" பாடல்கள் மிகவும் அருமை.

ருசித்தது: நண்பருடன் சமைத்து உண்ட "Aaluu" பரோட்டா.